我一推開門，就見到⋯⋯有個人拎住本劇本係咁背？有個人係到舉緊啞鈴？嘩，有個人拎住本《演員的自我修養》，拜緊⋯⋯拜緊⋯⋯戲劇之神？咩事呀？？？「唔該借借！」幾個著住黑衫嘅工作人員一手拎戲服，一手拎道具，快快手咁幫演員quick change。「點算呀！！？出邊已經dead咗成分鐘喇！！」一個兇神惡煞嘅男人突然衝埋嚟，伸出手，好似想「壁咚」我咁。我仲未load到發生咩事，佢已經拎走咗我身後嘅結他，跑得仲快過保特咁衝咗上台。

呢個就係，關於中英劇團觀眾嘅我睇《關於面對藝術生涯危機的我無意間成為拯救周年演出勇者的那件事》嗰時無意間闖入後台嘅嗰件事。呢套劇採用後設形式畀各位劇團團員喺劇中飾演返自己即係一齊準備《那件事》呢套劇中劇which唔單止係紀念中英劇團45周年嘅演出亦都係向藝術工作者嘅致敬等觀眾除咗同團員一齊經歷搞盡腦汁都諗唔到橋嘅痛苦更加可以感受到演出期間前後台人員點樣秉承住「The Show Must Go On」死唔斷氣嘅精神將最好嘅演出帶畀觀眾！

想一齊走過呢個蕩氣迴腸嘅創作之旅，就快啲買飛啦！